Biotu puliticu

A nova « madama Corsica » di u guvernu, Catherine Vautrin, era in Corsica trà ghjovi è luni scorsu. Una visita bella longa, ma senza ch’ellu fussi fattu qual siasi annunziu. Duranti u sicondu ghjornu di u so viaghju, a ministra di u parte nariatu cù i tarritorii è di a dicintralizazioni, hà scuntratu l’eletti di l’Assemblea di Corsica. S’hè trattatu di sicuru di a revisioni di a Custituzioni è di u statutu d’autu numia, ma dinò di cartulari chì toccani direttamenti a vita d’ogni corsu, vali à dì a vita cara, l’alloghju o puru i rumenzuli. U presidenti di l’Esecutivu, Gilles Simeoni, vulia essa rassirinatu frà altru nant’à u sughjettu di a dumanda di crescita di a dutazioni di cuntinuità tarrituriali, ma quì dinò, mancu una risposta. Ci voli à dì chì, aldilà di una vera vulintà pulitica, issu puntu maestru dipindarà di u votu di a leghji di finanzi da l’Assemblea naziunali. Pà vultà nant’à i quistioni istituziunali, a ministra Vautrin hà fattu cunnoscia una volta di più a so vuluntà d’andà fin’è a f ini di u prucedimentu, incù un calendariu chì hè statu torna pricisatu. Dopu à a f ini di u travaghju di i senatori da quì à calchì ghjornu, quissu quì sarà asaminatu da a cummissioni di i leghji di l’Assemblea naziunali. In a prima mità di l’annata 2025, ci hà da vulè à scriva un testu di leghji chì passarà davanti à u Cunsigliu di Statu eppo quillu di i ministri, prima ch’ellu si ni parlessi davanti à u Cungressu nanzi à a fini di u 2025. Cù l’instabilità pulitica tamanta ch’ella cunnosci a Fran cia è una situazioni ecunomica à caternu, vidimu mali comu a Corsica pudaria ritruvassi in prima ligna senza un’uppusizioni di fronti da a parti di a mansa di ghjacubini chì cumponini i dui camari di u puteri francesi. È attenti à u cuntinutu di stu testu chì, inveci di raprisintà un’avanzata, pudaria sbuccà, cù a ricerca sem piterna di un accunsentu, nant’à una forma di rinculu è dunqua di fiascu supple mentariu pà a maghjurità tarrituriali naziunalista. Tandu, ci ritruvariami com’ellu hè statu u casu duranti issi novi ultimi anni davanti à una chjoppula biota… 

Santu CASANOVA