Santu CASANOVA
U populu americanu hà sceltu u so Presidenti. È com’è in u 2016, hè u Republi canu Donald Trump chì hà vintu l’alizzioni. S’ellu era statu cunsidaratu com’è un tarramotu puliticu mundiali ottu anni fà, ùn hè micca statu tuttu à fattu u casu stavolta. Di sicuru, usservatori numarosi è sundami diversi aviani privistu a vitto ria di a Demucrata Kamala Harris, ma issu successu novu di Trump ùn raprisenta micca veramenti una surpresa. Quilla chì hè sempri a vici presidenti di Joe Biden pà torna calchì settimana ùn ci l’hà micca fatta à incarnà una vera donna di Statu capaci di dà torna à i Stati Uniti sintimi di fiertà è di securità. Hè chjara ch’ella purtava missaghji impurtanti, ùn fussi cà nant’à u rispettu di i diritti di i donni è di i minurità, o puru di a ghjustizia di pettu à un avversariu miratu da una mansa di pruceduri civili è penali, ma nulla di strasurdinariu. Pocu è micca prumessi forti nant’à l’ecunumia, ancu di menu nant’à u cartulari di a maestria di l’immigrazioni, Harris, lampata centu ghjorni nanzi à l’alizzioni inde u bullori di a campagna, ùn pudia micca fà megliu in cusì pocu tempu. A colpa frà altru à un presidenti Biden chì, malgradu u fattu d’essa statu assai sminuitu, s’hè appiccicatu à a so brama d’essa candidatu pà un sicondu mandatu di fila com’è una patella à u so scogliu. Una maghjina ch’ella hà tralasciatu a candidata demucrata, in cuntradizzioni tutali cù a forma guasgi olimpica di Donald Trump, chì pà contu soiu avarà dinò apprufit tatu di l’effettu mediaticu di a prova d’assassiniu chì l’avia miratu l’istati scorsu pà dimustrà chì nulla ùn lu pò parà. Soprattuttu ch’ellu hà avutu un sustegnu di pesu duranti a so campagna, cù a participazioni attiva di u milliardariu Elon Musk, scemu quant’è ellu ma ancu di più periculosu. Infini, c’hè da dumandassi quantunqua s’ellu si tratta veramenti di un votu pà difettu o veramenti di cunvinzioni. A maghjurità di l’Americani sariani veramenti contr’à l’abortu ? Nigariani l’effetti di u srigulamentu climaticu ? Vulariani fà crescia più cà mai a pruduzzioni di petroliu inveci di cuncin trassi nant’à l’energii verdi ? Ùn ci vulemi creda.
